Bandi k ap simen latwoublay yo anndan peyi a tèlman vin gen otorite se tankou se yo menm ki fè pati kò polis la. Bandi yo ap opere ak machin Lapolis epi yo gen inifòm plizyè inite nan Lapolis sou yo nan anpil ka kidnaping osinon vòl. Daprè sa kèk sitwayen avize fè konnen, polis la ta dwe deplwaye yon jefò pou mennen yon kanpay pou ede popilasyon an gen bon jan enfòmasyon sou plak ak karakteristik machin yo.
Lè bandi ak zam debake yon kote, se tankou se polisye ki rive. Yo abiye tankou Lapolis e yo gen anpil materyèl PNH la nan men yo. De tout fason, wo grade kò polis la dwe pran bon jan mezi pou estope deriv sa a.
