Sòti 2015 pou rive 2022, 89% nan 818 885 viza misyon konsila dominiken an bay, se ayisyen ki resevwa yo. E se pliske 600 milyon dola viza dominiken ki vann sou dire sa a men majorite lajan sa a se Ayiti li fèt. Nan yon etid jounal Listin Diario fè, yo dekouvri se an Ayiti ajans vwayaj ak konsila yo fè moun peye viza pi chè. Nan kòmansman septanm, viza dominiken an monte 600 dola ameriken. Pafwa sa koute 300, 400, 500, emenm pafwa 600 dola ameriken.
Selon chif ofisyèl Ministè dominiken zafè etranjè, gen yon diferans ant pri diferan viza dominiken yo. “Rezolisyon kounya 2-07 ministè sila, fè konnen li ta dwe soti 40 pou rive 60 dola, selon tip viza a. Poutan nan peyi Dayiti, se pri li pa vo yo fè vwayajè yo peye l.
Nan travay ankèt sa a, jounal Dominiken “Listin Diario” pale a plizyè Ayisyen ki peye anpil lajan pou rive jwen yon viza, men yo pale tou ak moun kap travay nan kèk ajans kap vann viza. Anpil nan sitwayen jounalis yo pale avèk yo fè konnen, yo konn pèdi lajan akoz ajans vwayaj ak kèk patikilye ki pwopoze yon sèvis ki pa pèmèt yo jwen viza a vre.
