Gen yon konpayi nan zòn Concacaf la ki rele VERTICAST ki te mande Leta ayisyen pou l peye 2.5 milyon dola pou l jwenn sinyal la e Ministè Ekonomi ak Finans te propoze yo 1.5 milyon, sa ki pat aksepte paske Leta Ayisyen pa toujou respekte kontra li ak konpayi sa a, daprè yon dirijan VERTICAST. Jodi a, konpayi sa a ki rele VERTICAST la koupe sinyal la e TNH paka redifize match yo.
Yon sitiyasyon ki lage gwo panik nan Televizyon Leta sa a. Se pandan l an dirèk ap bay match epi yo wè redifizyon an kanpe. TNH pa ka bay match. Rete kounye a pou konnen ki desizyon gouvènman ayisyen an pral pran pou rekòmanse bay match sou chèn li an.
