Nan mezi y ap pran aletranje pou sanksyone dirijan politik ayisyen kit se ansyen oubyen aktyèl yo, Kanada fè konnen gen lòt non ankò yo pral pibliye. Nasyon Zini, depi semèn pase a te deja anonse yo pral pibliye lis moun k ap sipòte gang nan peyi a. Se plis pase 800 moun ki pral gen nan lis sa a, daprè sa yon sous konfye bay Métronome. ONU ap prepare pou pibliye yon gran lis ki pral rann aplikasyon sanksyon yo mondyal.
Daprè Sébastien Carrière ki se anbasadè Kanada nan peyi a, yo pral pibliye tout non yo sou sit ministè Zafè Etranjè peyi yo a yon mannyè pou pèmèt lòt peyi yo gen aksè ak non nèg ak fanm politik sa yo ki t ap danse kole ak gang.
