Pou eksprime dezakò li ak fason anplwaye yo ap travay nan Central Romana Corporation, administrasyon Joe Biden entèdi pou yo enpòte sik ak tout lòt pwodui ki fèt ak baz sik ki sòti nan konpayi sila a. Etazini fè konnen, konpayi sa a pa respekte dwa anplwaye yo e mete sou sa y ap fè yo fè travay fòse. Daprè sa AnnMarie R. Highsmith ki se soukomisè egzekitiv Biwo kòmès, fabrikan k ap fè sik nan Central Romana a pa respekte lwa yo donk y ap peye konsekans yo poutèt sa.
Konpayi sa a kont ekspòte anviwon 200 milyon liv sik Etazini chak ane. Depi kèk ane fabrikan sik la te anba kontwòl paske yo pa t ap peye anplwaye yo byen e mete sou sa, yo maltrete yo daprè sa New-York Times ekri.
