Aktyèl senatè depatman Sant lan Rony Célestin atravè avoka li nan peyi Kanada ki se Alexandre Bergevin pran desizyon pou l konteste sanksyon gouvènman kanadyen an pran kont li a. Avoka senatè a di Kanada pa ko ka pwouve kliyan li an nan dosye louch ak gang an Ayiti ni nan vann dwòg. Rony Célestin ale pi lwen pou l di pwosedi yo fenk koumanse paske peyi Kanada ap fè manti sou li.
Tout moun ki tonbe anba sanksyon Etazini ak Kanada pran distans yo. Tout pawòl k ap pale pou montre yo nan gang ak dwòg, yo di se manti. N ap raple Mélanie Joly ki se minis zafè Etranjè kanadyen an te di tout prèv yo la e y ap met non deyò toujou.
