Minis Touris Repiblik Dominikèn nan ki se David Collado anonse sektè Touris la pote anpil pwofi pou peyi li a. Sou 10 dènye mwa ane 2022 a, li fè konnen sektè sa a fè yo rantre anviwon 7.2 milya dola vèt. Minis la deklare pou mwa oktòb ki sot pase la a sèlman yo resevwa 491 788 touris. “Se dezyèm mwa oktòb youn dèyè lòt nou bat rekò sa a e se yon bagay ki vrèman istorik”, daprè minis David Collado.
Li ajoute sòti janvye pou rive oktòb 2022 a, gen 5 826 078 touris ki vizite peyi Dominikani. Sa ki rapòte peyi a plizyè miliya dola ameriken. Sou menm peryòd sa a , yo akeyi moun sa yo pa vwa maritim san konte sila yo ki vini nan kwazyè ki estime ak 88 178 vizitè toujou daprè minis la.
