Konsèy Sekirite Nasyon Zini an ki reyini jodi vandredi 21 oktòb la vote yon sèl kou yon sanksyon kont tout chèf gang nan peyi a, nan tèt lis la gen Jimmy Chérisier alyas Babekyou. Mezi sa a pran tou kont tout moun k ap finanse gang sa yo. Entèdiskyon vwayaj, sezi byen, anbago sou zam, se kèk nan mezi sa yo.
Rezolisyon sa a pran an konsiderasyon tout ti detay ki antoure dosye gang yo. Ti moun y ap entegre nan mouvman bandi kidnaping, trafik moun pou n site sa yo ase. Pou sa rive fèt, gen yon komite ki mete sou plas.