Nan yon sikilè li rann piblik jodi samdi 1e oktòb 2022 a, Asosiyasyon Pwofesyonèl Bank yo fè konnen apati lendi 3 oktòb k ap vini la a, tout Bank yo pral travay 3 jou pa semèn: Lendi, mèkredi ak vandredi. Yon desizyon ki vini akoz rezèv petwòl Bank yo p ap ka reponn chak jou. Chwa sa a fèt pou jiskaske pwoblèm gaz sa a rezoud nan peyi a.
Anpil kliyan gentan nan gwo kè sote akoz kantite tan yo pral pran devan pòt Bank yo pou fè tranzaksyon oubyen depo. Koze gaz sa a mete tout enstitisyon nan peyi a ajenou.
