Nan kad mobilizasyon ki genyen nan kat kwen peyi a, youn nan chèf gang Lapolis la di l ap chache ak epeny ti tèt ki se Jimmy Chérisier alyas Babekyou te mete manifestasyon pa l sou pye anba Dèlma kote l t ap chante “nou pral fè dechoukay”.
Sèn piyaj ki te gen sou Dèlma ak Petyonvil jedi 15 septanm nan sanble pa konsa konsa daprè kèk obsèvatè. Si moun k ap mache sou beton an gen enfiltrasyon sa yo ladan l, se yon bagay ki dwe reflechi. N ap raple, se pa premye fwa bandi gran chemen ap fè jan de mouvman sa yo nan peyi a.
