Jan sa te anonse pa manm popilasyon an, jodi jedi 15 septanm nan anpil kote nan peyi a gen piyaj. Televizyon Nasyonal Dayiti se youn nan viktim yo. Gen anviwon 2 machin ki boule e manifestan yo menm agrese anplwaye télévision an pandan yo pote ale plizyè materyèl.
Yon lòt bò, nan vil Gonayiv, popilasyon an piye lokal CARITAS kote yo pote ale tout sa yo jwenn sou wout yo, yo piye lokal PAM ki nan vil la tou. Nan Pòtoprens, gen anpil lòt magazen manifestan yo piye sou wout delma a kote pandan y ap lanse anpil pawòl piman bouk kont responsab nan Leta yo.
