Konfederasyon Nasyonal Òganizasyon Transpò (CONATRA), nan peyi Sendomeng anonse manm li yo pare pou mete machin yo disponib pou ede sèvis Migratwa depòte ayisyen ki ilegal yo. A pati lendi 5 septanm nan, bis ki nan 32 pwovens yo deja disponib pou direksyon migrasyon an.
Daprè jounal Dominiken El Nuevo Dialo, desizyon sa a se pou kontribye nan depòtasyon masiv ayisyen ki san papye nan peyi yo a. Toujou selon jounal la, depòtasyon sa yo posib pou rive jiska gen ane 2022 a. Pou moman sa a, poko gen okenn kominike ofisyèl gouvènman Dominiken an fè sòti sou dosye sa a, daprè Edwin Paraison.
