Yon nouvèl ki tonbe maten lendi 29 dawout 2022 ta fè kwè otorite nan peyi tonton Sam mete pastè Armel Lafleur anba kòd. Premyè enfòmasyon yo ta fè konprann se paske li te gen yon kantite kòb nan men l ki siperyè ak sa imigrasyon egzije. Aprè yo fin kesyone l sou orijin kòb ki te nan men l lan, responsab libere l yon ti tan aprè.
Nan yon ti videyo ki dire 14 segond, pastè a demanti enfòmasyon an. Pandan tan sa a, kèk temwen ki te sou plas fè konnen pastè a te gen 2 lòt moun avè l nan moman yo arete l la. Li t ap pran yon vòl pou rantre nan peyi Dayiti abò yon avyon JetBlue.
