Plis pase 24è aprè zak asasinay sou anviwon 8 moun pami yo 2 pitit fi ak tout manman yo nan komin Taba, Premye Minis Ariel Henry ak tout gouvènman l ap dirije a poko janm fè menm yon tweet pou denonse sa ki pase a. Pandan tout moun ak prèske tout antite anndan peyi a ap rele anmwe, Ariel Henry sanble pa okouran de anyen.
Depi kèk tan, chak masak ki fèt sou inosan nan peyi a, Premye Minis la pa janm di anyen men lè yon bagay pase lòtbò dlo, sa deranje l jiskaske l sòti gwo nòt. N ap raple, nan tout dezas ak krim sa yo, sa pat anpeche PM Ariel Henry pran avyon pou al patisipe nan yon fowòm nan peyi Trinidad ak Tobago.
