Dimitri Vorbe ki se yon antreprenè ki kite peyi a akoz pèsekisyon politik, pat pran tan Pou reyaji sou desizyon leta ayisyen pran pou entèdi tout machin ki gen vit tente sikile anndan peyi apati samdi 6 mas la. Daprè biznisman nan, se yon fo deba pou kreye divèsyon.
“Mwen pa anvi pale de vit tente paske se yon fo deba pou kreye divèsyon. Yo konn kidnapè yo, yo konn kote yo ye, yo konn ki machin yo woule , paske yo abitye negosye ak yo”, deklarasyon Dimitri Votbe nan yon tweet.
Li te rapousib pou l di : Eske nou wè gen fouy matisan ak delma 2? Sispan jwe jwèt yo, nou pa egare. Reprann sans nou.
Ayè mèkredi 3 mas 2021 an, chèf CSPN nan Joseph Jouthe, nan yon pwen pou laprès anonse apati samdi 6 mas la, okenn machin pap gen dwa sikile ak vit yo tente. Aprè machin kò konsilè, Kò Diplomatik ak Ofisyèl. Dezisyon sila mete anpil pale nan peyi a, reyaksyon yo pa sispann miltipliye.
Jeff Jean Joseph
