Nan objektif pou konbat ensekirite a k ap fè raj anndan peyi a, kote yon jou poko janm pase pou plizyè ka kidnapin pa anrejistre, te gen yon konsèy gouvènman ki te òganize ayè mèkredi 3 mas la. Nan konsèy sa tout gouvènman an deside, apati samdi 6 mas, pou okenn machin vit tente pa sikile anndan peyi a.

Daprè premye minis Joseph Jouthe, sèlman machin ki gen nouvo plak ofisyèl yo, machin kò konsilè ak kò diplomatik sèlman ki otorize woule ak vit tente. Aprè tout lòt machin ki gen vit tente ap tonbe anba sanksyon lalwa.

Chèf primati a te ale pi lwen pou l di menm machin polis pa gen dwa tente. Laplis a gen vit tenten lè yo ka met sekirite anndan peyi a.

Joseph Jouthe dil rekonèt gen anpil moun ki peye Direksyon jeneral enpo pou yo ka tente vit yo. Men l mande yo yon ti pasyans paske marengwen ap vole li pa konn sak mal sak femèl.

N ap raple mezi sa vini aprè gouvènman an te pran plizyè lòt ki poko ka pote rezilta pou mete fwen a machin ensekirite a ki kontinye mete dlo nan je pèp ayisyen an.

Jeff Jean Joseph