Lèzetazini afime volonte l yon lòt fwa ankò sou enpòtans Kou siperyè dèkont ak Kontansye administrif la (CSC/CA) genyen nan lit k ap mennen pou konbat koripsyon an nan peyi Dayiti.
‹‹Transparans fiskal yo esansyèl pou diminye koripsyon an››, se deklarasyon anbasad amerikèn an Ayiti sou Twitè ayè lendi 1e mas 2021 an.
N ap raple, nan divès mesaj sou Twitè, Lèzetazini gras ak anbasad li fè konnen, pouvwa anplas la pran plizyè desizyon ki pa konfòm ak lalwa. ‹‹Nou pare pou finanse efò sosyete sivil la ap fè nan sousi pou jwenn plis transparans, epitou pou konbat koripsyon sou teritwa ayisyen an››.
Lèzetazini pa sispann raple enpòtans yon ògàn siprèm odit ki endepandan ak otonòm, nan lide pou garanti kredibilite finans piblik yo, kidonk Kou Siperyè dèkont ak kontansye administrif la (CSCCA), nan ka peyi Dayiti.
Pooshy Rosana
