Mèkredi 11 fevriye a, direktè jeneral Polis nasyonal Dayiti a, Léon Charles, demanti enfòmasyon ki fè kwè òganizasyon Food For the Poor ta bay PNH la yon asistans alimantè gras avèk estrikti yon Sèvis soutyen.
Nan yon nòt DGPNH la enfòme pa genyen okenn estrikti ki pote non Sèvis soutyen anndan enstitisyon polisyè a, epi ki ta resevwa manje nan men òganizasyon Food For the Poor.
Nan dat 9 fevriye a Food For the Poor te pibliye yon nòt sou rezo sosyal yo kote l te afime li bay PNH la 50 sak diri ak 30 sak pwa pou nouri 800 polisye, aprè– swadizan –Sèvis soutyen PNH la te fè demand lan pa bò kote Acheveche Pòtoprens lan, vandredi 5 fevriye pase a, nan aprèmidi.
Pooshy Rosana
