Selon yon rapò Rezo Nasyonal k ap defann Dwa Moun yo (RNDDH) mete deyò, li fè konnen sòti 4 pou rive 16 dawout 2023 sa a, gen 54 moun ki mouri nan Kafou Fèy anba bal bandi ak zam. Pami 54 moun sa yo, gen 2 polisye. Li ajoute pou di gen plizyè dizèn kay ki ale anba flanm dife san konte plizyè milye moun ki kouri kite kay yo al rete lòt kote.
Dram sa a ki fèt Kafou Fèy la kite tout swadizan otorite anndan peyi a sou silans jiskaprezan. Anpil moun ki nan lari pa gen kote pou yo dòmi. Enstitisyon k ap eseye pote refijye yo konkou nan lari a pa anpil alòske moun yo 2 bra pandye.
