Nan kad yon operasyon SDPJ, BI ak UDMO mennen soti yè lendi 30 pou rive jounen madi 31 oktòb sa a gen 4 prezime bandi ki tonbe anba bal lapolis. Se sou Lòd komisè Alex Pierre ak komisè minisipal la Jean Noël Mackenzie yo rive netwaye yon gwoup gang ki tap fòme nan Chabon sou komin Limonad. Nan kad operasyon sa a gen 7 fanm ki arete ak yon minè 14 lane. Mete sou sa, polisye yo sezi yon fizi 45, 2 chajè, yon grenad, yon ponya ak yon bonbòn gaz lakrimojèn.
Se vire tounen Lapolis nan Nò peyi a ap deniche gang ki vle grandi nan vil Okap, Lenbe, Limonad elatriye. Yon bèl operasyon anpil rezidan nan Nò peyi a aplodi.
