Pou yon lòt fwa, bandi ki fè pati gwoup gang Kraze Baryè a asasine 3 manm nan yon sèl fanmi ki se Ténor, yon frè l ak tout yon pitit li. Dram sa a pase nan zòn Tè Boule, pi ba Fòjak. Bandi yo touye anpil lòt moun Diplan ak Dimiso tankou yon jèn gason ki rele Assefa Mésilus ki kite yon ti bebe dèyè ak madanm li. Gen nan kadav yo fanmi yo paka fè anyen ak rès yo paske yo boule tounen chabon.
Atak Vithel’Homme ap fè sou Fòjak la pa sispann kanpe. Se chak jou Bondye mete bandi sa yo ap simen katouch devan dèyè nan zòn nan. Tout moun oblije kite limit sa yo akoz jan bagay yo move a.
