Daprè minis zafè Etranjè peyi Bahamas la ki se Fred Mitchell, gen 2 peyi afriken ki swete ede Ayiti fè fas kare ak sitiyasyon ensekirite l ap konnen jodi a. Minis la pa site non peyi sa yo men li anonse peyi sa yo entèrese pou fè sa. Li fè anons sa a touswit aprè premye minis Bahamas la fin pale ak yon responsab nan Nasyon Zini sou dosye Ayiti a.
Depi plizyè mwa, gen anpil peyi k ap leve ti dwèt yo pou vin bay Ayiti yon bourad ak pwoblèm ensekirite sa a. Jiskarezan, anyen poko janm di sou sa pandan peyi a kontinye ap koule.
