Ansyen Sekretè Jeneral Palè Nasyonal la, Lionel Valbrun jwenn konvokasyon jij Walther Wesser Voltaire pou l pase devan l 16 jiyè k ap vini la a daprè sa Métronome rapòte. Si l pa reponn, jij la pa ekate posiblite pou l lage yon manda rale mennen vini dèyè l. Anplis Valbrun, genyen ansyen senatè Hervé Fourcan jij la konvoke tou pou semèn k ap vini la a paske li gen non l site nan asasina defen prezidan Jovenel Moïse la.
Gen anpil lòt non ki gen pou site toujou e si lajistis ap fè travay li seryezman, gen anpil moun k ap manje prizon paske asasina defen prezidan Jovenel la se te yon gwo endistri ki te fabrike l.
