Darly Félix se non jenn gason sa a ki akize nan lanmò Sylvie Baillard nan mache kominal Wanament lan semèn pase a. Enfòmasyon yo fè kwè misye te touye jèn fi a, ki se ansyen mennaj li, ak kout kouto.
Pandan lapolis t ap fè fason pou arete l vandredi 17 jiyè 2026 la, misye te blese pwòp tèt li ak kouto, sa otorite yo konsidere kòm yon tantativ swisid. Selon medya lokal yo, akize a ap resevwa swen lopital sou siveyans lapolis.
Dram sa a kontinye soulve gwo kesyon nan mitan popilasyon Wanament lan, kote zak kriminèl yo pa sispann repete.
