Rockefeller Vincent, minis jistis ak sekirite piblik peyi a, pat mete dlo nan bouch li maten an, pou l trete moun ki nan opozisyon ak rejim PHTK a vòlè. “Tout nèg ki nan opozisyon an se yon bann vòlè yo ye” deklarasyon lokatè MJSP.
Jounalis yo pat pran tan pou te mande minis lan, poukisa li pa arete moun ki nan opozisyon yo, minis lan ki pat rete nan kesyon an te deklare: “Kisa w wè y ap regle la, se yon bann nèg k ap kraze peyi a”. Minis lan te fache anpil epi montre pouvwa a ap travay pou fouke moun sa yo.
N ap raple Me Rockefeller Vincent ki nan sistèm nan depi kèk tan, te jwenn revokasyon l pandan l te nan kou dapèl Okap, akoz li pat pwodui ase.
Jeff Jean Joseph
