Ajan Biwo Vyolans Baze ou Jan (VBG) nan depatman Sidès peyi a arete Moustapha Gérôme alyas “Mouskèmpwòp” madi 11 out pase a pou vyòl. Selon lapolis, viktim nan ki se yon kòmèsan di Moustapha te rele l pou l al vann machandiz lakay li e se nan menm moman sa a li sibi vyolans seksyèl la. Aksyon an pase lendi 3 out e aprè plent viktim nan, ajan VBG yo te louvri yon ankèt jouk yo tonbe sou prezime kadejakè a nan lokalite Fon-Prens.
Arestasyon sa a fèt aprè otorite polisyè yo te fin rasanble enfòmasyon ak eleman ki pèmèt yo idantifye epi arete prezime koupab la.
