Sendika Nasyonal Polis Nasyonal d Ayiti ki gen nan tèt li Lionel Lazarre fè konnen, pandan dewoulman ane 2023 sa a, se 37 polisye ki tonbe anba katouch bandi alòske gen pliske 1000 ki ale aletranje. Yon bilan tris, daprè responsab SYNAPOA a ki pwofite pale de kantite komisarya bandi yo pran an otaj epi mete dife ladan yo.
Daprè Lionel Lazarre, se vre PNH la pat fèt pou jere gwo batay sa yo ak bandi men enstitisyon an dwe adapte l ak reyalite a pandan l presize tout polisye ki mouri pou ane a, se pa pandan y ap travay yo mouri.
