Musca Michelet yon ansyen ajan sekirite konsèy elektoral pwovizwa a ak Alexandre Ananel yon polisye ajan II ki nan BIM, pran bwa kale nan komin Mibalè jounen vandredi 29 mas la. Lapolis nan Mibalè arete yo avèk plizyè milyon goud sou yo e yo sispèk se zam ak minisyon yo ta pral achte pou gang an Repiblik Dominikèn. Popilasyon an ki trè an kòlè, pran yo, lapide yo avan yo mete dife sou yo.
Yo te nan yon machin Nissan X-Terra, yo te gen badj yo sou yo. Daprè SYNAPOHA, Alexandre Ananel se yon polisye an fonksyon. Yo te pote lajan an nan yon bwat katon ki tepe.
