Nan yon konferans pou laprès ayè madi 26 janvye a, kowòdonatè Ayiti an Aksyon an (AAA), Youri Latortue pwomèt kominote entènasyonal la, opozisyon an ap retabli lòd ak sekirite anndan peyi a, aprè Jovenel Moïse fin kite pouvwa a 7 fevriye 2021.
Nan entèval sa, plizyè manm nan opozisyon an denonse ensekirite a espesyalman kidnapin nan k ap vale teren anndan peyi a. Ansyen Senatè Latibonit lan, Youri Latortue pa mete dlo nan bouch li pou l kalifye sa k ap fèt la “Kidnapin deta”.
Ansyen Senatè a pwomèt y ap garanti sekirite fonsyè, jidisyè ak ekonomik aprè depa Jovenel Moïse.
Bò kote pa l, Ansyen Senatè Ricard Pierre ale pi lwen pou l di li regrèt Jovenel Moïse ak gang PHTk yo pran pwofesè ak elèv lekòl pou sib. “Pou ekip ki sou pouvwa a, ale lekòl se yon peche”, deklarasyon Ansyen palmantè a.
N ap raple opozisyon an pa sispann miltipliye reyinyon ak rankont yo pou sòti a yon pi bon akò aprè Jovene Moïse fin kite pouvwa a.
Jeff Jean Joseph
