Maten an Haïti News te pibliye yon atik, pa rapò ak yon lèt ki t’ap sikile sou rezo soyal yo. Lèt sa, Louis Marie Guerdeline te ekri li depi kèk lanne, men ki reparèt sou rezo yo. Nan sousi pou te ede mesaj la rive pi lwen, Haïti News te pran swen fè yon atik sou ka sa. Daprè enfòmasyon ki rive jwenn ekip la, madanm Guerdeline libere depi 29 me 2016, sa vle di li te pase 5 lanne nan prizon.
N’ap raple pou otan san nou pap site non, plen fi ki nan prizon fanm nan, ki nan sitiyasyon ki prezante nan lèt Marie Guerdeline nan. Kote yo komèt yon “Larcin” ou nenpòt lòt enfraksyon, san yo pa pase devan jij natirèl y’ap kwoupi nan prizon.
Jeff Jean Joseph
