Solèy ki leve maten an pou zòn sa yo se katouch : Fò Nasyonal, Nazon, wout Kafou Ayewopò/Simon Pele, Taba, Laplèn, Klèsin, Channmas, pou n site sa yo ase. Depi vè 4è nan maten, bandi yo ap tire sou baz BOID la zòn Fò Nasyonal, yo atake baz BIM nan tou Klèsin ak anpil lòt kote. Gen plizyè viktim ki deja anrejistre, sitou nan blòk Bwa Vèna kote 2 kadav blayi atè ak yon moto bò kote yo.
Viv Ansanm pran randevou chak wikenn depi kèk tan pou non sèlman twouble somèy Lapolis men tou pou anpeche popilasyon an viv jan dwe viv la.
