Robuste Julbin se non predikatè legliz kay an kay bandi kidnape nan komin Kafou ayè lendi 25 janvye a. Ravisè yo mande fanmi an 200 000 dola ameriken pou libere predikatè a.
Julbin Robuste genyen 33 lane. Li gen yon diplòm nan Teyoloji ak syans edikasyon. Julbin pale plizè lang. Li genyen 4 pitit, dènye ti moun nan gen sèlman yon mwa depi li fèt, dapre yon sous tou pre fanmi li.
Sitiyasyon sa kreye gwo tansyon nan komin Kafou, kote anpil manm legliz la ki sitiye l nan Akachon, leve kanpe pou di non a kidnapin epi mande liberasyon prese prese predikatè a san okenn kondisyon.
Komin Kafou ki se yon komin ki te pezib anpil kòmanse konnen yon sitiyasyon difisil ak plizyè ka anlèvman ki deja anrejistre.
Jeff Jean Joseph
