“Sa a se ti bakòp k ap bay pwoblèm nan…nou pa fè rimè nou menm”, se kèk pami deklarasyon tout moun ka tande nan yon videyo anviwon 38 segond k ap pataje sou rezo yo e se vwa bandi yo menm k ap pase anba l. Zo reken sa a ki make komisarya Kwadèboukè nan men bandi san fwa ni lwa e se dimanch 21 janvye a yo pran l. Te gen 2 polisye ladan l, erezman yo te gentan chape poul yo. Lapolis poko kominike nimewo plak machin sa a.
Machin sa a fòk tout moun trè pridan avèk li paske bandi yo pral sikile sou li. Nou aprann te gen yon dwon nan zo reken koulè blanch sa a tou vòlò yo ale avèk li.
