Yè mèkredi 19 oktòb la, konsèy sekirite Nasyon Zini an te dwe reyini an ijans pou pran yon desizyon sou dosye Ayiti a. Reyinyon sa a ranvwaye paske peyi yo pa rive antann yo. Etazini vin pa ka deside paske Lachin ak Larisi pa mache nan lojik pou voye militè etranje pou Ayiti. Donk Etazini bloke nan Nasyon Zini. Pou konbyen tan? Pyès moun pa konnen.
Tout 5 peyi ki syeje pou lontan nan konsèy sekirite Nasyon Zini an, yo gen dwa veto. Sa ki vle di yo ka deside si wi oubyen non yon desizyon ka pran. De (2) peyi sa yo pran desizyon pou anbarase Etazini sou dosye sa a ki li menm pou voye kò etranje bay peyi Dayiti pou lite, selon sa yo di kont gang.
