Plizyè inite espesyalize nan PNH la, tankou SWAT TEAM, UDMO ak BOID, sou lòd direktè jeneral enstitisyon sila, Léon Charles, mennen yon operasyon nan baz “400 Mawozo”, depi 4è nan maten, jodi dimanch 27 desanm 2020 an, nan objektif pou fè lapè tounen nan Komin Kwadèboukè.
Nan moman operasyon sila, 18 prezime bandi jwenn arestasyon yo, lapolis rive sezi 4 machin baz sa a te vòlè.
Daprè pòt pawòl PNH la, Garry Desrosiers, pa gen okenn moun ki mouri nan 2 kan yo.
N ap raple chèf baz sila, Lanmò 100 jou pa pami moun lapolis rive mete anba kòd yo.
Operasyon sila ap rapousib, nan lide pou fòs lòd yo kapab retabli lapè nan komin Kwadèboukè, ki depi kèk tan, popilasyon komin sila ap monte yon syèl pa do ak bandi nan baz “400 Mawozo.
Jeff Jean Joseph
