Lapolis pran yon gwo frap nan komin Dèlma, 3 ajan UTAG tonbe. Fermetus Emelin, Clovis Peterson, Piton Wilkens Jean Junior pèdi lavi yo nan Dèlma 18 jounen dimanch 9 jwen an. Daprè SYNAPOHA ki konfime nouvèl sa a, gen yon polisye ki blese pandan atak la epi yon blennde pase anba flanm dife gang Viv Ansanm nan. Aksyon sa a se Babekyou menm ki fè l paske li deja revandike l e li pran zam polisye yo tou.
Jouk nan moman an, kout zam ap tire nan Kafou Ayewopò ak zòn ki anviwonnen l yo ant bandi ak Lapolis. Se nan yon pyèj polisye yo pran epi yo pase konsa daprè kèk temwen.
