Kòmandan an chèf lapolis la, Léon Charles ak plizyè inite espesyalize deside, ayè dimanch 20 desanm nan , desann Dèlma 18, epi debloke zòn sila ki te bloke pandan plis pase 3 mwa. Sa ki te kreye yon anbouteyaj nan zòn metropolitèn nan, a koz anpil ti bus pat ka frekante zòn sa.
Chèf polis la, Léon Charles mande popilasyon ba Dèlma a kolabore ak lapolis yon fason pou lapè kabap retounen nan katye sila.
Léon Charles pwomèt pou ranfòse komisarya ki nan zòn nan, yon fason pou popilasyon an ak moun k ap frekante zòn nan kapab santi yo an sekirite.
N ap raple depi lè plizyè gwoup ame federe anndan peyi a, anpil katye nan zòn metropolitèn nan kontwole. Se chèf bandi yo ki deside kisa ki ka fèt nan ki moman tou.
Jeff Jean Joseph
