Anpil bal tire, gaz lakrimojèn, gen moun ki menm blese aprè lame domikèn te antre pou mete lòd sou Fwontyè Dajabón nan. Sa pase aprè atak ki te fèt nan CODEVI jedi 29 septanm nan kote yon foul moun t ap tante rantre la pou fè piyaj. Elikoptè, cha blennde, dwon ak tout kamera avèk yo, militè dominiken yo ap dodomeya ak gwo zam nan men yo sou Fwontyè ki separe 2 peyi yo.
Pou estope deriv yo, sòlda lame dominiken tire anpil bal nan espas CODEVI a. Otorite dominiken yo fè konnen y ap rete la jiskaske tout bagay antre nan lòd. Responsab faktori sa a, nan yon nòt yo pibliye fè konnen yo kanpe travay nan espas annatandan lòd retabli.
