Fòs lame Dayiti (FAD’H) ap rekrite ant 3 500 ak 5 000 sòlda pou vin sèvi peyi a apati ane kap vini. Genyen yon pwosesis rekritman pou yon nouvo klas kadè ki an kou pou kounya nan kèk depatman tankou Sidès ak Nòdès epi Plato santral, daprè jeneral FAD’H la, Jodel Lesage.
»Lame a deja prezan nan katye jeneral Pòtoprens, nan baz Anakawona ak nan baz militè ki nan depatman Latibonit. FAD’H vle kouvri tout peyi a sitou nan zòn fwontalyè yo », daprè lyetnan jeneral, pou n site Le Nouvelliste.
Jodel Lesage di l’ espere bidjè Fòs Lame Dayiti a ap pèmèt yo atenn objektif sila, san konte peyi Dayiti bezwen prezans militè ayisyen yo nan tout rakwen peyi a.
Pooshy Rosana
