Selon sa Erik Prince ki se PDG konpayi sekirite prive sa a di ajans Reuters, li deja jwenn yon akò ak Leta ayisyen sou sa deja. Blackwater ki espesyalize nan kesyon sekirite di yo deja gen plan pou patisipe nan batay kont gang yo nan peyi a. Selon Reuters, operasyon kont gang yo pral ranfòse nan semèn kap vini la yo, kote yo pral deplwaye plizyè santèn konbatan ki se espesyalis nan tire epi nan ransèyman ak kominikasyon.
Antrepriz Erik Prince la ta dwe enplike nan mete kanpe yon pwogram ki vize takse tout machandiz kap enpòte atravè fwontyè Ayiti ak Repiblik Dominikèn nan tou.
