Chanm reprezantan ameriken an, ki gen plis demokrat, vote pou retire prezidan sòtan, Donald Trump, sou pouvwa. 232 eli pwononse nan favè yon ”impeachment” kont chèf leta ameriken an, epi 197 vote kont.
Pami reprezantan ki vote pou destitiye milyadè a genyen 10 repibliken ki mande pou voye 45è prezidan ale.
Vòt sila make ouvèti fòmèl pwosedi ”impeachment” aktyèl lokatè Mezon Blanch lan, kounya rete pou Sena bay jijman l.
Aprè patizan Trump yo te anvayi Kapitòl la 6 janvye a, nan Wachinnton, demokrat yo ak plizyè repibliken te pran inisyativ pou destitiye ak akize l ensite moun al fè vyolans. Donald Trump ki ta dwe remèt Joe Biden pouvwa 20 janvye k ap vini la, pa sispann defann li pa t mande pyès moun al fè vyolans anndan Kongrè ameriken an.
Pooshy Rosana
