“Se pa FBI ki asire sekirite diyitè etranje ki sou tèritwa ameriken, se sèvis sekrè ki jere sa. Pliske se FBI k ap siveye Ariel kote l ye a, se paske y ap mennen envestigasyon sou li”, se deklarasyon kolonèl Himler Rebu. Pou li menm Ariel Henry se tankou yon senp sitwayen ameriken deside kenbe, si n byen entèprete entèvansyon li an sou radyo Tele Éclair.
Sa ki dwe sèten pou tout moun k ap swiv, si ameriken te vle Ariel toujou rete vivan politikman nan peyi d Ayiti, yo t ap deja kreye mwayen pou fè l retounen lakay li.
