Miguel Diaz-Canel, prezidan peyi Kiba a egzòte peyi manm CARICOM yo pou akonpanye Ayiti yon fason pou l sòti pasifikman nan kriz miltifòm sa a l ap travèse a. Li fè deklarasyon sa a nan yon somè k ap dewoule nan peyi Babad. Kiba ki se yon peyi ki kwè nan lapè ak solidarite gen tout volonte pou lonje men l bay nasyon sè li ki se Ayiti, toujou daprè deklarasyon prezidan peyi Fidel Castro a.
Nan yon kominike yo rann piblik, peyi manm CARICOM yo mande tout pati ak fòs viv Ayiti yo pou yo mete tèt yo ansanm pou yo kapab retire peyi a nan tchanpan li ye la a. Kèk peyi manm tankou Sen Vensan, Jamayik, Sirinam, Giyana, Beliz, Babad, Ladominik pou n site sa yo ase rejwenn yo ak lide sa a.
