Prezidan Jovenel Moïse mande popilasyon an, nan yon adrès ak nasyon an lendi 25 janvye a, kolabore ak li pou konbat fenomèn kidnapin nan k ap vale teren nan peyi Dayiti depi kèk tan.
Daprè chèf leta ayisen an, »dèyè chak anlèvman ki fèt genyen yon otè fizik, men genyen tou yon otè entèlektyèl, sa vle di moun ki kreye laperèz kay popilasyon an pou fè yo kwè peyi a pap janm bon. Alòske se pa vre. »
Lokatè Palè nasyonal la fè konnen kidnapin nan te redui ak zewo, se nan kòmansman ane 2020 an flewo sila pran chè epi enstale l nan sosyete a jouk jounen jodi a. Sispann di, »zafè kabrit pa zafè mouton… », nou tout konsène.
Nan menm diskou a, reprezantan ekzekitif la anonse yon »Task Force » k ap travay san kanpe pou kwape otè zak kidnapin yo, men fòk popilasyon an mete men nan chay la.
Pooshy Rosana
