Nouvo direktè Polis nasyonal Dayiti a (PNH), Léon Charles, fè gwo chanjman nan wo kòmandman enstitisyon polisyè a jodi vandredi a, sòti nan pòs Direktè depatmantal Lwès (DDO) pou bout nan Direksyon santral PNH la.
Nan prezans plizyè wo grade, premye minis ayisyen an Joseph Jouthe te prezide enstalasyon sila yo ak tit Prezidan Konsèy siperyè lapolis nasyonal la (CSPN).
Antou 13 wo grade tankou enspektè jeneral, komisè divizyonè ak komisè prensipal afekte nan lòt fonksyon. Frantz Jean François vin ranplase enspektè jeneral an chèf Hervé Julien, enspektè jeneral Carl Henry Boucher nonmen Direktè ransèyman Jeneral yo (DRG) ak kowòdonatè Direksyon Depatmantal yo. Komisè divizyonè Marc Justin pran kòmand Direksyon santral Polis administratif la (DCPA), li ranplase nan pòs sila Berson Soljour, epi Enspektè jeneral Jean Yves Muscadin transfere nan Akademi polis la.
Toujou nan kad enstalasyon yo, Komisè divizyonè Auguste vin nou responsab kominikasyon, epi Ernst Bouquet vin nouvo Komisè Brigad Entèvansyon Motorize (BIM), li ranplase nan pòs sila Jean René Pierre François.
Aktyèl Direktè Depatmantal Lwès la (Jean Alex Pierre Louis) vin asistan nan Direksyon santral polis administratif la epi Cetoute Clenvens pran kontwòl UDMO. Pou fini ansyen komisè polis Petyonvil la, Paul Ménard Jean Louis, vin nouvo Direktè Depatmantal lwès (DDO).
Pooshy Rosana
