Poutèt li gen non l site nan trafik dwòg ak blanchiman lajan, ansyen senatè Sid la, Hervé Fourcand resevwa envitasyon pakè Okay la pou l al reponn kesyon devan lajistis pou menm dosye sa a. Mèt Ronald Richmond ki se komisè gouvènman Okay la mande mouche Fourcand pou l vin bay detay sou sa dirijan ameriken yo repwoche li a. Yon envitasyon Haiti News gen kopi akize resepsyon an.
Nan kòmansman mwa desanm nan, gwo zotobre nan peyi Etazini te pran sanksyon kont Hervé Fourcand poutèt li nan trafik dwòg ak tout senatè Sant lan Rony Célestin. Mesye sa yo konn itilize pozisyon politik yo pou fè pase dwòg.
