Fortuné Edris se yon Jounalis repòtè imaj ki sibi zak vyolans anba men yon ajan PNH nan jounen mobilizasyon vandredi 15 janvye 2021 a nan komisarya Pòtoprens, aprè yon militan te fin jwenn arestasyon l.

Daprè Jounalis repòtè imaj la, ajan PNH la ale nan bakòp li, pran yon sprey epi flite l nan je li, nan moman li t ap eseye pran kèk foto yon militan ki te jwenn arestasyon l Kafou Tifou.

Kèk konfrè pat pran tan pou tè kouri ak Fortuné Edris nan lopital Bernard Mevs pou l te pran swen ka li nesesite. Lopital la mande jounalis la, pou l rann li kay yon Oftalmològ, paske pwodui polisye a flite nan je l la nosif, li kapab gen enpak sou li.

Haïti Buzz/Haiti News kondane zak malonèt sa epi mande a wo komandman PNH la, pran tout mezi pou idantifye polisye sa, epi fè sa lalwa mande.

Laprès ak lapolis kondane pou yo travay ansanm. Misyon lapolis se pwoteje epi sèvi, travay laprès se rapòte evènman yo jan yo ye a.

Jeff Jean Joseph