Ansyen manm Fwon Rezistans lan, Jerry Bien-Aimé manke tonbe anba men lapolis ki t ap fè yon fason pou arete l jounen samdi 1e dawout sa a. Aprè operasyon an ki pa reyisi, patizan Jerry yo fè gwo dezòd nan Gonayiv kote anpil kout zam t ap chante nan divès kwen. Sitiyasyon sa a te lage gwo panik nan Site Endepandans lan, anpil biznis te blije fèmen pòt yo san konte mache piblik yo ki te kouri lage. Pa gen detay sou viktim pandan deblozay sa a.
Gen enfòmasyon ki fè kwè pandan tantativ arestasyon an, lapolis ta sezi yon zam ki pou Jerry Bien-Aimé.
