Administrasyon Kominal Gonayiv la kontinye reyalize plizyè pwojè amenajman depi nouvo ekip minisipal la, anba direksyon Majistra Gina Jeanty, pran fonksyon. Travay yo konsène zòn Meri a, Katedral la ak Plas Dam nan, ak enstalasyon chèn sou separatè yo, netwayaj lari yo ak lòt amelyorasyon nan espas piblik yo.
Responsab yo fè konnen objektif la se rann sant vil la pi aksesib pou pyeton yo epi amelyore jesyon pakin yo. Depi 20 jiyè 2026, frè pakin nan perimèt Meri a fikse a 100 goud pou chak de (2) èdtan.
Otorite minisipal yo di aksyon sa yo fè pati yon plan pou bay Gonayiv yon nouvo aparans.
