Frédérick Dupoux alyas Fredo pou moun ki pi pwòch li jwenn liberasyon li yèswa aprè anviwon 5 jou li te pase nan men bandi. Yo te kidnape fotograf la nan zòn wout Frè. Fredo se kouzen, parenn maryaj ak parenn pitit Mikaben ki li menm te mouri trajikman nan Accor Arena nan vil Pari pandan l t ap jwe sou sèn ak CARIMI.
Anpil moun t ap bay boustè sou rezo yo pou egzije liberasyon Fredo kòm yon siy de sipò ak fanmi an. Erezman sa fèt jan anpil moun te swete l la. Pa gen enfòmasyon ki sòti bò kote fanmi an pou konnen si wi oubyen non gen ranson ki bay.
